九點半就出發同強、Lonson打的去接Actual，跟住去三家村碼頭匯合禎、東，搭船過西灣河，轉14號入赤柱，時間同預算中配合得好好，等埋仁、Connie、大衛，同我接埋Elsie同佢的兩位朋友Irene、Eva，就搭船入蒲苔島，由於風浪頗大(第二日睇新聞先知有班入蒲苔島o既人搭果架船幾乎出事)，原本30分鐘的船程用左45分鐘，令我呢個唔搭得船o既人差D出事，當我見到響螺石果陣，我只係想快D上岸我落左船都仲有D Wing wing地，落左船班先頭部部隊就衝左上山，剩返我、禎、仁、Connie4個行下抖下，睇左棺材石、拳頭石，用左成個鐘先上山頂(真係抱歉)，不過到山俾D風吹一吹，我就復活啦，開住Turbo行另一條路去左坤記買飲品，返轉頭原來嘈、禎、東，已經唔見左人，阿強又話唔行同埋Elsie、Irene、Eva返碼頭先，咁我就同大衛、仁、Connie、Lonson繼續遠征香港南極，但唔知係咪因為頭先行得太快加上尋日踢完波，竟然兩隻腳都想抽筋，不過都要頂硬上，唔係入黎就白費架啦，行左幾步有個位D風大到人都幾乎吹得走，之後我地終於睇到僧人石、靈龜上山石，燈塔、去到香港最南o既南角咀，點知只為隨時會抽筋行唔到回程，得Lonson一個爬左上最南的石山，真係唔抵！行返去經過坤記，好好人o既老闆娘話阿強佢地飲完紫菜湯走啦，我入到黎當然都試下個紫菜湯啦，正，如果熱D仲好，諗起有三個人肯定唔會行過呢邊，就叫左三碗外賣俾佢地啦，順手又買幾包紫菜返去！去到碼頭o岩o岩好夠鐘上船，俾埋D湯嘈、禎、東飲就開船啦，今次醒目，點都唔行入船艙，果然，無暈到，禎哥o係度嚇鬼我跌落海，o係架船到跳，入面果D俾佢嚇死！無驚無險返到赤柱，送左Elsie佢地搭車，就去茶餐廳食左少少野！再搭973出尖咀食嘈的生日晚餐！大衛返左屋企，但係有Ginny、傑、柏霖黎到，都算幾齊人，同Actual、Ginny三個share三個餐黎食，都幾好食丫！之仲切埋蛋糕(我覺得個cake雪得唔夠，切完已經開始溶)，送埋禮物，就結束左呢日豐富o既行程啦！今日o既活動，勉強不過不失啦，其實應該可以再搞好Do既，下次要搵個好D o既搞手啦！總之，希望壽星女開心啦！Happy Birthday Actual！