(2月2日)夜晚同屋企人去左好駿景打邊爐，阿仁打黎話睇阿仙奴喎，好呀！食完就兩個上左Big Time，因為勁飽，剩係飲左杯野o者，話說九點去到阿記已經入左一粒，結果Arsenal嬴3:1，我預感Adebayor會入第二球竟然兌現左，第二樣又唔見咁準喎，真係...！Rosicky同van Persie真係要俾心機，咁落去要長做後備架啦！

(2月1日)晏晝又搵左Actual食Lunch，結果又去左羽壽司，呢排好似成日都食日本野咁喎，不過呢餐好抵食，因為呢排Actual竟然識得"飽"，真係估佢唔到呀！放工趁住年宵第一日開檔，自己一個去左花墟行下，點知，乜都無，好冷清，行返出去正苦惱緊跟住去邊時候，有架去鑽石山o既綠van經過，就上左車啦，途中阿仁打黎，順手撩下佢食野，點知佢竟然話食完飯得七成飽，就約左佢去九龍灣啦，之後唔知點解馬爺同強都出現埋，去左淘大金加利，之後阿強要入票，我又咁o岩都有一張，就一齊過左德福入啦，第一次用部入機，又幾方便喎(唔知點解以前一真覺得呢D機信唔過，寧可排隊入)！之後諗住可以返屋企大覺訓啦，行到平台佢地話阿朗車黎左，一齊上左車，都係諗住返觀小o者，點知從佢地o既對話，我就知中計了，得阿仁呢個斬左手指o既走得甩，跟住上埋藍田接Actual(仲以為佢唔會黎添)，就去左雀會，正所謂一開左個頭，仲邊度識停丫，結果又通左頂，第二朝一齊去英記食埋粥先返去！

(1月29日)夜晚約左Janice，即係上次個Financial Planner再傾下D理財事項，一傾又係幾個鐘，夜晚去左APM食石頭飯，Actual話搭地鐵見到個顯示板個日期係2月2號喎，真係神奇，咁都俾佢見到o既！

(1月28日)今晚係我地班fd食團年飯的大日子，馬爺一早叮囑唔好遲，搞到我一早九點一已經返到office，真係好似係第一日返呢份工以黎o既最早紀錄呀，結果六點九我已經去到酒樓！第一次黎雍雅，不過D格局都係同以前一樣，入到房見到已經開左兩枱，一邊馬、朗、強、Lonson的成人枱，另一邊有Actual、Ginny、Phoebe同禎哥的(按：唔係我講o既)三娘教子局！結果手風順到無得頂o既Ginny大殺三方(大三元都食得出)，一家嬴三家，輸得最多o既好自然係禎哥啦！之後開飯，我果張枱仲有Actual、Ginny、禎、大衛、Amy(大衛終於曝光的女友)、拉西、仁，隔離枱有馬、朗、Lonson、柏霖、寶盈、秀英、Phoebe、強，食就ok啦，用個卡拉ok聴住歌食(係好舊的歌)真係好奇怪！又有班人成日亂講野，真係睬佢都傻！多謝Ginny的小手工，已經掛左o係office枱頭了！

(1月27日)再一次搵Actual幫我一齊去睇禮物(上次太夜收左舖)，差唔多六點去到匯景，Actual帶我去左間佢相熟o既舖頭，好快就決定到份禮物啦，呢樣野Actual o既眼光真係一流！佢自己睇到有件愛不釋手咁，我話妳今日唔買聽日都會走落黎買架啦，順手買埋咪好囉！哈哈！之後一齊去左大盛食飯，好似唔係食左好多野！之後上去APM間Starbucks飲左杯cappuccino，傾左陣，之後佢話要返去睇野蠻奶奶大結局喎！Anyway，今日真係唔該晒Actual！

(1月26日)又係上樂華踢波，都係我、仁、強、Lonson、大衛、禎，加埋巴基同小強兩兄弟，射波果陣已經覺得唔係點踢得架啦，都話D傷無咁快好返架啦！因為開頭未齊人，要頂住先！原來對面隊有個係我小學同學陳康隆，真係橋呀！踢左一陣已經唔係好跑得，不過呢邊傷o既傷，焗住都踢左好耐，只係入左一球咁大把(呢期都好少波入)！結果返去隻腳真係腫左幾日，而家過左成個禮拜仲痛緊，都係過完年先可以再踢囉！踢完拉隊落左蘭記睇足總盃同食飯！