(1月14日)放工約左Kathy去Our Wonderland食飯，原來唔覺唔覺已經好多個月無見了，雖然好似都係咁忙，不過都抽到時間去Choir，都唔錯啦！

(1月15日)夜晚去左九龍灣大榮華食飯，我、Actual、Lonson、強、禎、馬、朗、秀英、寶盈同柏霖補祝生日，柏霖仲宣布同寶盈拍緊拖添，估唔到佢又收得得幾密喎！跟手去左西貢食甜品，ok喎！

(1月16日)約左個Financial Planner傾下D投資理財o既問題，真係要諗諗啦，唔係仲使退休o既，哈哈！不過返去做下功課先決定！

(1月18日)約左Actual幫手睇禮物，不過肚餓去左食羽壽司，呢度D野幾好食喎，試左好多未食過o既魚生，真係好食，不過係帶子個味道好奇怪，可能唔o岩食啦！Actual提議藍田有間舖賣果D唔錯，但因為太夜要下次再約過去啦，都去左apm睇下，跟住Lonson又勁得閒咁黎埋，又睇下其他野咁！

(1月19日)出去旺角買書睇，買左本講理財o既書(結果我第二日已經睇完)，然後o係KFC食埋飯！之後約埋Actual一齊搭小巴去雀會玩，仲有強同Lonson！阿仁黎到坐左陣無打就走啦，仲有禎哥同朗朗都黎左，佢地話見到柏霖架車泊左o係門口，但係佢無搵過我地喎，唔知佢搞乜呢，哈哈！結果打下打下佢地停唔到手，去左M記買新餐食(要讚下個員工，我地拎少左野，佢追左兩條街俾返我地，真係計苦晒)，一直就打到天光！

(1月20日)樂華踢波，舊傷未癒，再傷！

(1月24日)HAPPY BIRTHDAY DEAR KERINA!!! Would be a happy year in 2008, boost up ur spirit lor~~~

(1月25日)夜晚搭K16去奧海城，o係仙踪林食完飯，買左少少野！

「誰人在某月某天是否改變了 誰告別了」

搭單講返1月4號！夜晚同強、仁、大衛、Lonson上左樂華踢波，不過狀態奇差無比！之後同埋馬、朗去左得寶食日本野！

1月5日係馬騮強o既牛一，本來三點約埋Lonson、傑、禎一齊入荃灣，因為Lonson同傑仲o係西貢，叫左佢地直接入荃灣等，3點打俾禎哥竟然話o岩o岩起身，唯有自己一個入去先，4點準時到荃灣拎左蛋糕，o係地鐵站搵埋Actual就過左去千色店巴士站，大衛都到左啦，等埋禎、Lonson、傑就搭61M入小欖燒烤樂園，禎哥黎到唔單聲又周圍行，忍唔住話左佢幾句！入到小欖，估唔到仲早過前一晚去左深井過夜o既強、馬、朗(話說一早8點半收到馬馬個SMS話佢地仲未訓)，之後Phoebe同佢男友到埋，11個人BBQ，仲有麻雀、啤牌玩，仲有個馬騮仔蛋糕，亦預祝大衛生日(1月10日)！結果玩到果度一點關門先走，去到旺角臨到小巴站，禎哥突然自己上左十大書坊唔走，真係永遠都估佢唔到D行徑！

世事有時真係好難估得到，有朋友問起我知唔知寄信去外地郵費要幾多，令我諗返起一個好耐無聯絡o既筆友，記得好多年前收過佢一封email，就上左facebook度search，估唔到真係搵得返佢！記得同佢開始通訊果陣仲係o岩o岩考完CE，之後一直寫信維持左年半多D，之後因為自己懶同埋有左ICQ可以傾，反而少左contact，仲記得有一次佢o黎香港，我miss左佢o既email，白白錯失左一面之緣，真係好可惜！1月1號倒數完的清晨，我返到屋企拎返佢o既信由頭到尾睇返一次，自問當年真係無好好珍惜呢個咁純真、咁真誠o既女孩，真係滿心歉意！今次能夠contact得返，都算係一個幸運，就好似收到一份聖誕大禮一樣，好希望可以再次維繫返呢一段友誼，好好咁珍惜佢！All my best wishes to you~

新年快樂，祝福大家一個最好的2008！

大除夕lunch突然心血來潮，拉埋班同事一齊去食Lunch，今日去左都會間"梁山泊"日本料理，都幾扺食，好耐無咁樣拉大隊出去食lunch囉！今日5點就走，約左8點打邊爐，趁位個空檔出左旺角行下，順便買埋上星期睇中果件衫，去左瓊華，結果買左一件冷衫、一件恤衫同一條牛仔褲，真係大收穫，六點幾過返尖咀已經好多人！今晚打邊爐有仁、強、馬、聰、禎、Lonson、Actual同佢兩個fd阿東同Jimmy、Phoebe同佢男友再加埋我自己12個，地點係尖東德興，張檯勁細，夾硬逼晒12個，結果唔知點解又叫左勁多野，勁多丸食唔晒！食到十點半先行出去等倒數，Phoebe兩個走左先，其他人就行到去新世界門口一帶，等今年第一次o既國金煙火表演，呢晚天氣勁凍，好似得十度咁上下，對於我呢D對冬天已經唔大印象o既人，真係好凍下！Actual個位就最暖啦，事關我地7個大男孩圍住佢，仲邊有風吹得入！終於隨住幻彩詠香江開始(真係第一次正式睇咋)，得我地班人o係度亂叫，直至國金樓身o既煙火燃起，終於踏入2008，雖然煙火表演及不上真正的煙花，但除了那我不懂欣賞的射燈亂照，煙火的感覺反而比煙花來得更真實，而這一個除夕倒數之夜，還有Orion在天上一起見證著新一年，好正！之後我地行出旺角匯合左朗一齊食糖水，間糖水舖都賣到無得賣咁滯！食完成三點先返到屋企(以除夕黎計真係好早囉)！

同行的朋友係咪發覺上面漏左一堆野呢？無錯，今年大除夕令一個焦點又要俾一段佢，真係要講"你好o野"！今日禎哥好似無帶個靈魂出黎咁，成晚心不在焉咁，先黎跌左Actual D雞蛋仔，打邊爐又唔食o野，去toilet又係咁講"對唔住"，之後倒數又全程頭dup dup咁，食糖水又完全無留心！大家出黎玩，開心D至係嘛！08年要大個仔啦，思想行為要成熟D先得架！

行事回顧：

Sun 30 Dec
Sat 29 Dec
Fri 28 Dec
Thu 27 Dec
Wed 26 Dec 仁、強、Lonson、柏霖、Actual同我個入左沙田踩單車
Tue 25 Dec 夜晚同強、馬、Lonson去旺角至尖咀行左個圈，終於搞掂部電腦
Mon 24 Dec 放工同同事去左Neway唱K同玩

Sun 23 Dec 本來約左行山，但個人仲係有少少暈，結果無去到
Sat 22 Dec 仲病緊，晏晝同阿仁去左都會食野順便返office拎返隻手指
Fri 21 Dec 請左半日假去睇期待已久o既Gigi Concert，點知中午竟然發燒，不過concert梗係要照睇啦
Thu 20 Dec Lunch搵左Actual, Ginny, 強o係M14飲茶
Wed 19 Dec
Tue 18 Dec 強o係尖東返工，同佢食Lunch
Mon 17 Dec 都會海逸Promenade的公司buffet lunch加聖誕party

Sun 16 Dec
Sat 15 Dec
Fri 14 Dec
Thu 13 Dec Lunch同Actual, Ginny, Yvonne上M14飲茶
Wed 12 Dec
Tue 11 Dec
Mon 10 Dec

Sun 09 Dec 晏晝同阿仁去左IFC睇Kathy的Choir表演，夜晚約左小學同學聚會
Sat 08 Dec 樂華踢波
Fri 07 Dec
Thu 06 Dec
Wed 05 Dec
Tue 04 Dec
Mon 03 Dec

Sun 02 Dec
Sat 01 Dec 去Big Time睇波，之後同禎哥落觀塘搵Actual幫手拎佢哥哥堆野，順便拎埋個keyboard俾佢，返屋企玩超級鬥地主，D玩法真係要適應下
Fri 30 Nov
Thu 29 Nov
Wed 28 Nov
Tue 27 Nov
Mon 26 Nov

(12月26日)今日一早約左踩單車，講好十點九唔好遲，一早起身落樓下食早餐，十點八去到地鐵站，順手o係櫃員機拎埋錢，等左成兩個字都無人，差唔多十一點阿仁打黎話佢地o係巴士站等緊車，果陣我唔知佢地做乜接去左車站，真係有D不爽，又應承左ACTUAL等埋佢，因為佢都趕緊黎，一收線佢就到啦，去到車站阿仁已經同強、Lonson上左上一班車，等左一陣有車，唔知做乜ACTUAL成程車又嬲爆爆咁，入到愉翠苑落車，問佢地做乜改地點唔講，佢地話三個對錶夠鐘就行左啦，我邊仲有野好講，另一個又黑晒面咁，心情真係惡劣得很，明明約埋出黎玩D氣氛又搞到咁，為乜丫！等埋柏霖到，齊人六個就搭車過火炭，好彩一程小巴o岩o岩夠我下左啖氣，正所謂出黎係玩係開心，谷氣落去件事咪仲衰，不如抵諗D，邊個著邊個唔著都好啦，做人唔需要咁情緒化嘛！o係火炭租左車，就踩入吐露港，沿途影下相又有人撞到fd，用左唔少時間先入到科學園，本來諗住試下單車鋪老闆介紹o既餐廳，不過結果都係無去到，直踩左入大埔，o係市中心搵到間餐廳食飯，幾好食呀！食完就踩入大尾篤，差唔到踩到左大腿竟然黎抽筋，唔知係咪因為隻腳一路都伸唔直啦，抖左幾分鐘先o係後面慢慢追返大隊，點知去到上淡水湖大壩攸路，到右大腿抽啦，又抖左幾分鐘，上到去搵返佢地，原來何生都抽筋！大家休息左陣影下相咁，又夠鐘回程啦，除左o係汀角路再抽左一次就無再抽啦，好彩，唔係都唔知幾時先出得返沙田，回程非常順利，今日ACTUAL都可以全身而退，真係進步左喎！交左車柏霖走先，剩低我地五個去左明星海鮮舫食野，都係第一次去，剩係聽過話好貴囉！點知呢一餐竟然係"金玉其外"，間酒樓裝修好靚，不過D食物真係好麻麻，唔知係咪叫唔中佢好食果D啦，不過真係唔多收貨！食完就一齊搭車走啦！

(12月21日)今晚8點鐘o係亞洲國際博覽館Arena就係期待已久o既梁詠琪本色慈善演唱會，點知一早食早餐已經無咩胃口，返到office個人好似唔係好妥咁，去到lunch hour訓左陣，醒返就覺得好似個身熱熱地，就知道出事啦，今日一早請左半日假去睇concert，竟然先o黎病，真係可惡，即刻落左clinic睇醫生，之後同Actual、Ginny去新can食左少少野，然後見未夠鐘就入左葵芳行下，o係Euro gogo食左少少野！6點半就搭E32入會場，7點10去到，準時！原來個場館同巴士站係一頭一尾，行左好耐先由一邊行到另一邊，終於入場啦，第一次買最貴飛，點知原來個台好矮，又唔算好前，前兩排仲有個6呎高人，大部份時間我都係睇住個螢光幕，見到隔離兩個男仔(點都唔似細個我)又叫又跳，都唔知係佢地瘋狂定係我唔夠熱情，不過好彩8點9開show我好似復活左咁，影左幾幕發覺影唔到相(前面遮住晒我又唔想拎高遮住後面睇，因為我覺得俾前面咁遮住係好黑人憎架)，就拎住兩支bom bom棒(話說我都係第一次捨得拆出黎玩咋)打住拍子聽Gigi唱歌，今日有吳建豪同薛凱琪做嘉賓，去到中段又開始病發wing wing地，不過個show我都好滿意，好正！搭車返到黎已經1點了！

(12月17日)今年公司o係都會Promenade搞左個buffet lunch + X'mas party，D野好好食，環境都好好，值得幫襯，仲有新形式交換禮物，好開心！

(12月9日)晏晝同阿仁o係IFC睇完Kathy's Choir表演，上左歌賦街食野！夜晚約左小學同學聚會，今次都有十幾個同學仔，算係咁啦！真係感謝Patrick & Alex百忙中抽空搞呢個聚會，仲請到好耐無見o既彭生同楊生，聽左幾個有深意o既故事，期待下一次的聚會！