世事有時真係好難估得到，有朋友問起我知唔知寄信去外地郵費要幾多，令我諗返起一個好耐無聯絡o既筆友，記得好多年前收過佢一封email，就上左facebook度search，估唔到真係搵得返佢！記得同佢開始通訊果陣仲係o岩o岩考完CE，之後一直寫信維持左年半多D，之後因為自己懶同埋有左ICQ可以傾，反而少左contact，仲記得有一次佢o黎香港，我miss左佢o既email，白白錯失左一面之緣，真係好可惜！1月1號倒數完的清晨，我返到屋企拎返佢o既信由頭到尾睇返一次，自問當年真係無好好珍惜呢個咁純真、咁真誠o既女孩，真係滿心歉意！今次能夠contact得返，都算係一個幸運，就好似收到一份聖誕大禮一樣，好希望可以再次維繫返呢一段友誼，好好咁珍惜佢！All my best wishes to you~