終於切切實實咁開始計劃我的北海道之旅，即使最後能唔能夠成行都好，先做好準備啦！

唔知點解，讀中學果陣已經好想去冬天的北海道，但係日本的其他地方就唔係咁吸引到我喎！我諗，我知道北海道呢個地方係咪因為松山光呢，可能係咁我對富良野都特別有好感！當然，香港點都唔會有的雪景都係一個好大的誘因啦，話晒我都好想試下滑雪！反而一直都未搞得成，一來自己唔點去做功課，二來錢係一個好大的問題，經過多年的努力，應該夠我好好地享受返一次啦！加上而家工作都好像穩定了，應該是時候囉！

我唔係好鐘意跟團，因為對我黎講限制太多了，也未必可以去到我想去的地方，但作為自由行的首站，我只會選擇台灣和日本，但北海道終究是我夢寐以求的國度，加上日本有完善的系統方便遊客，我更加放心視它為自由行的首選！

地點是鐵定的北海道，時間也是鐵定的冬季，所以我的目標己訂為2009年初的日子！我是寧可多花一點年假也不想在香港人外遊的巔峰時刻接著長假去出遊，但我卻希望能夠參與札幌的雪祭，翻看一下2009年的春節為1月26日，就決定在春節後的二月初，沒有連續的公眾假期，應該稍稍避開了港人外遊的最高峰吧！

出遊北海道，旅程的時間很重要，於我而言，十至十二天是少不了，考慮到我再訪北海道也未必會是兩三年內的事，所以盡可能在旅程中到訪心目中的一些必訪之地吧！而且亦考慮到請假和JR Pass的通行日期，初想為十四日，利用14天的JR Pass以鐵路為骨幹計劃行程(也為了直航札幌太貴而改由東京往返，順路一坐日本的新幹線列車)，再努力翻看相關旅遊書籍、網上的資訊、尤其為自由旅遊北海道的朋友所寫的遊記，確實為毫無頭緒，第一次計劃旅遊行程的我很大的幫助和鼓舞！

各位朋友們，如果你/妳有興趣到時結伴同遊，請和我一起準備並通知一下，雖說還有10個月，但作為一個中長線的旅程，也是時候不早了！

這一次的計劃我將會盡可能記錄，一方面希望看看其他人的意見，也可以作為日後回顧的參考，亦希望為未來的北海道旅者一個可借鑒的題材！

(3月28日) 秀英生日快樂！

(3月24日) 本來諗住同Actual去旺角捐血，點知竟然捐血的人太多無籌派，唯有去《咀妙妙》食糖水！之後嘈約左人，我行左陣就閃了！

(3月23日) 約左仁、Lonson、禎諗住睇Man U vs Liverpool，可能戲碼太吸引，平時睇開o既Big Time今日唔可以食dinner睇，差D以為無得睇，最後都搵到Bar Pacific有得食飯睇！

(3月22日) 拉西生日快樂！長洲生日Camp Day2！

(3月21日) 長洲生日Camp Day1！

(3月20日) Frances Last Day了！去到新公司要加油喔，多D搵返我地呀！Lunch當然係上14樓啦，夜晚有Alan、Gill、Sa、Nick、Ricky同我一齊去灣仔一間小店同Frances食多餐！夜晚Alan、Gill、Nick、我去左黃埔打bowling，一次打4局真係好攰，以前都係打2局就走架啦，還好成績都過得去(第一局：87；第二局：140；第三局：106；第四局：80)[Facebook有相]！

(3月18日) 同Frances去左都會《梁山泊》食lunch，傾左好耐！

(3月16日) 阿仁生日快樂！同禎哥出席左阿仁的畢業禮(好像是一個文化機構的課程)！之後大伙兒出左旺角食飯(禎、傑、強、朗、馬、嘈、我、大衛、仁)，奧海城一期的任食日本菜，D野真係麻麻，只係價錢平，送果個壽司蛋糕(?!)，算吧啦！

(3月14日) Lunch同嘈去左食《麵屋一平安》，呢間野都真係幾難搵，不過好食，仲要超大份量，有機會要再食過！

呢排睇到兩個廣告想講下，第一個係可口可樂o既Zero，當兩條脷同隻眼爭論的時候，腦走左出黎講：有味無味係條脷先知，你再嘈就「的」你出去斬..眼！斬...足...成...日！將斬食落眨眼個眨字，真係好抵死，呢set廣告真係幾好笑！

另一個就係幾乎晚都到播o既電影《我的最愛》廣告，其中Stephy有句台詞：「我的最愛永遠都有好多，鐘意o既就Keep，唔鐘意o既就Delete。」借用IE的bookmark功能「我的最愛」做比喻，又食得咁正，好o野！不過話說回來，我已經清空了「我的最愛」，而家放晒D bookmark o係個HTML度，方便好多！

(3月12日)今朝新聞話馬頭圍撞車，所以無搭101行左去搭215X，結果12分鐘就返到Poly，真係快到得人驚！不過行咁遠搭，其實都唔爭幾多！放工強打黎話佢同馬搭215X，join左佢地去megabox搵野，行左陣就走啦！託Actual幫我寄左份野，真係唔該晒！

(3月10日)Kathy, Happy Birthday！

(3月9日)入沙田citysuper幫Kerina買野，順便行個圈，點知沙田店無得賣，都係要過銅鑼灣店搵，仲得返好少存貨，好彩無等過幾日先黎買咋！

(3月8日)恭喜晒Simon，今日係Simon結婚的大日子，祝你地白頭到老永結同心啦！今日馬、朗、強、禎、Lonson幫手做兄弟，柏霖更加做埋伴郎！我同阿仁夜晚先出席婚宴，由於佢地人手不足，我地都係咁易幫下手做D濕碎野！我地球隊果枱得九個人，又有六個要幫手走黎走去！結果食到好飽好飽，翅都食左兩碗！散席後幫手搞埋D善後工作，朗車左Simon一家返馬鞍山，我就同馬、強、禎、Lonson等佢返出黎，佢地話要老蘭桂芳飲喎！朗出黎就一齊去左青衣泊左車先，然後輾轉去到中環，不過搵唔o岩地方，結果只係去七仔買左支綠茶坐o係路邊吹左陣，就返歸啦，都確係幾無聊！

(3月7日)Lunch同嘈去左麵軒cafe，唔知點解今日咁多人，D野食又黎得慢！放工約左仁強食飯，原本好似話唔得閒o既Lonson又黎埋，去左女人街食紅米飯，都不錯啦！之後禎哥黎到，佢又未食野，就走去搵間cafe坐下，又係二樓後座果度，o係地下有個女仔拉客，佢地話試下呢間喎，呢個女仔把聲好熟，原來係以前二樓果個朱古力，但係佢好似剩係記得Actual咋喎！上到去D廢話就唔好提啦，馬爺又黎埋，因為第二朝佢地要幫Simon手做兄弟，食完野就走啦！

(3月3日)Yvonne要考Master o既試，會轉做part-time staff，去左M14食farewell lunch！

呢排沉醉左o係一堆日文歌裡面，今日先講下其中一首，由仲間由紀惠所主唱的《負けない愛がきっとある(不輸給任何人的愛)》，呢首歌係《洛克人X4》的開場曲，己經是1997年的作品，但強勁的節奏感讓人很有衝勁，完全沒有老歌的感覺，還是很有時代感！說實話，起初只是覺得這首歌很好聽，不懂日文的我完全搞不懂所唱的東西！直至找到了一份歌詞的中譯本，才發現這首歌的歌詞煞有意思的！
一起首「為什麼喜歡你的心情像是尖銳的刺 為什麼太過於沉迷反而會刺傷自己」己經完完全全道出了迷戀上喜歡的人那種鬱悶的心情！
「感情由不經意的不安 變得複雜 以無關的字眼來做為藉口 卻只會一直逃避」就正是說到了，情感當失去了安全感的時候，即便那是因為欠缺自信心還是真的出現了問題，人便會多了胡思亂想的空間，從而使事情變得複雜。又當事情複雜得不敢面對，或是沒有對策的時候，往往便衍生出一些所謂的理由為這件事打圓場，那管只是一個為自己開脫的藉口，自以為問題避開了就得到解決！
雖然是一首遊戲的配樂，但歌詞還是有一點深意的，幾句不經意的反問卻帶出了點點的反思，觸動了我的神經，歌詞終歸還是正面的訊息，至少聽過後不是哀怨的失落，甚至好像鼓動了一種力量，至少，「不輸給任何人的愛 在心中一定存在著吧 真實的愛 假如追求的話相信總有一天會看到」不正是絕大部人所追求的東西嗎？
推介給大家一聽，哪管你是否在乎詞中的一切，也應該會是充滿活力，該人愉悅、激動的一首歌！

原歌：負けない愛がきっとある 原唱：仲間由紀惠 語言：日語
作曲：林哲司 填詞：松井五郎 編曲：田代隆廣

索引： 原詞 原詞中譯

WHY 好きな気持ちは 鋭い棘
為什麼喜歡你的心情像是尖銳的刺
WHY 迷いすぎると 自分に刺さる
為什麼太過於沉迷反而會刺傷自己
だんだんと花びらを咲かせる 薔薇のようでも
即使表面上愛情 像薔薇那樣漸漸地綻放
ほんとうは心に震えてる愛が怖い 壊れそうで
實際上這種悸動的愛情是很可怕的 似乎已支離破碎了

抱きしめてくれるより もっとわかってほしい
與其給我擁抱 不如讓我更了解你
優しさをくれるより さみしさを 越えてゆく力欲しい
與其給我溫柔 不如讓我擁有超越寂寞的力量

負けない愛だって この胸にかならずあるはずよ
不輸給任何人的愛 在心中一定存在著吧
たしかな愛だって 求めればいつかは見えるから
真實的愛 假如追求的話相信總有一天會看到
いまどうなってゆこうと いま運命に逆らう
無論我現在會變得如何 無論我現在如何地抗拒命運
強さを信じさせて
只想讓你相信我的決心

WHY あどけなさから 生まれる罪
為什麼是因為純真而衍生的罪
WHY 知らないことで 誰かを責める
為什麼是未知的事在折磨自己
感情がなにげない不安を 複雑にする
感情由不經意的不安 變得複雜
関係ないことばを選んでは言い訳して 逃げてばかり
以無關的字眼來做為藉口 卻只會一直逃避

慰めてくれるなら もっと叱ってほしい
若是你能給我安慰 我希望再多點責備
まちがいを許すなら 傷さえも包み込む夢が欲しい
若是你能原諒我的錯 我希望能將傷痛也埋藏於夢中

負けない愛だって この胸にかならずあるはずよ
不輸給任何人的愛 在心中一定存在著吧
たしかな愛だって 求めればいつかは見えるから
真實的愛 假如追求的話相信總有一天會看到
いまどうなってゆこうと いま運命に逆らう
無論我現在會變得如何 無論我現在如何地抗拒命運
強さを信じさせて
只想讓你相信我的決心

負けない愛だって この胸にかならずあるはずよ
不輸給任何人的愛 在心中一定存在著吧
たしかな愛だって 求めればいつかは見えるから
真實的愛 假如追求的話相信總有一天會看到
いまどうなってゆこうと いま運命に逆らう
無論我現在會變得如何 無論我現在如何地抗拒命運
強さを信じさせて
只想讓你相信我的決心

雖然二月係日子最短的一個月份，不過今年o既二月，好似覺得特別短咁，無乜留低到D咩記憶，好似遺漏了很多很多，就是想不起來！

(3月2日)部Desktop又壞了！今次睇怕係死Harddisk！之前死底板先整左無耐，又到HD，心灰意冷！隻HD 160GB我都唔知有無用過60GB，浪費！

(3月1日)今日上樂華踢波，又出現返o係葵涌果次o既情況，睇黎我真係唔適合爆走全場，唔係好快就KO，好彩有Pocari救返！踢完去左嘉豪打邊爐，乜放低真係咁難咁唔值咩，好好想想你付出的代價吧，還有你的朋友們！

(2月29日)放工約左Frances介紹佢做髮型師的朋友給我，順便改下個髮型，真係一流呀！下次會再搵返佢剪！夜晚上左622吹左陣水！

(2月25日)Jerry的婚禮，放工就去旺角搭紅van入葵涌，真係快到得人驚！Richard、Steven、Stimson同我就係IMT的代表，哈哈！恭喜晒陳輝！

(2月24日)仁、馬、Lonson、禎、拉西同我去左奧海城睇《L之終章：最後的23天》，件事完全唔關Death Note，不過都幾好睇，尤其是個女仔(Fukuda Mayuko)更加係眼前一亮，好有戲的眼神，掂呀！

(2月23日)本來想睇Birmingham vs Arsenal，不過因為得三個，等埋禎哥改左睇Liverpool vs Middlesbrough，入三球兩球係送o既，對面仲有球誤判詐糊，睇黎利記今季都可以拜拜啦！返去先知頭場Arsenal一開波有Eduardo嚴重受傷，睇到段片都真係不寒而慄(好彩結果唔使收山，總算不幸中之大幸，佢都好有氣度無怪踢中佢的Martin Taylor，真係令人敬重！始終係意外，希望其他人都唔好再怪Taylor啦，祝福Eduardo早日完全康復！)。

(2月22日)晏晝同左Actual、Ginny、Crystal、Yvonne同禎哥去左仙宮樓食lunch，都幾經濟兼且唔差，好介紹！

(2月15日)又係同Actual食羽壽司，今次好似食得仲少過上次！夜晚同左仁、Lonson、大衛去左麗都打邊櫨，食完又上左雀會玩，今日Actual帶埋Ginny黎，之後？咪又係玩到天光囉！

(2月8日)禎哥話想打麻雀，我拜完年十一點幾先上1019，點知又通左頂，第二朝仲要話事啤+廿一點！CRAZY！

(2月6日)夜晚同仁去左行翠屏年宵，無野睇！禎哥黎埋，上M記坐左陣就走！

(2月4日)放工去維園搵Actual同Ginny個年宵攤位，買左少少野就走啦，因為諗住會再行，所以買完即閃！